‘Ssa settimana in a stampa – Résumé digital

( Article en cours de traduction )

Corsica.news v’hà da prupona da quì à pocu ogni ghjornu un riassuntu di ciò chì s’hè ditta in a stampa isulana, incù audio, ritratti, filmetti è legami internet pà avè di più informazioni. Per avà pudeti ritruvà quì l’attualità di ‘ssa settimana.

Puntu settimanali à nantu à u Covid : un scunfinamenti in parechji tappi

Era maiori l’attesa, ma principiemi à veda una inghjicula più chjara! Emmanuel Macron hà prinsintatu u 29 d’aprili u calendariu di i riaparturi dopu à longhi discorsi annant’à un scunfinamenti tarriturializatu. Si basa ‘ssu calendariu annant’à 4 tappi strategichi chì sarani adatteuli, di sicuru, à riguardu à a pandemia.

Pà sapè ni di più :
Un scunfinamenti in parechji tappi

Cunfronti mentri u Cunsigliu municipali di Bastia

Ani cuntrastatu uppusizioni è maghjurità in giru à un rapportu di a Camara righjunali di i conti chi intazza a gestioni municipali. A Corti dinunzia frà altri un troppu di parsunali, un assenteisimu maiò, è parechji ritardi in i cantieri maiò purtati da a municipalità.

Pà sapè ni di più :
Cunfronti trà uppusizioni è maghjurità mentri u Cunsigliu municipali di Bastia

Crescini i dumandi à u Sicorsu Populari di Corsica Suttana

Hyacinthe Choury, u sicritariu righjunali di u Siccorsu Populari, parla d’una cuddata di 50% di i dumandi trà u 2019 è u 2020 in Corsica Suttana. Si cunfirmighja ‘ss’aumentu d’altronda sempri in u 2021.

Pà sapè ni di più :
Crescini in furia i dumandi d’aiutu à u Sicorsu Populari di Corsica Suttana

Prughjettu di carriera in Tallà – u Cullettivu « Forza Tallà », ùn cappia nudda

Una bandera contra à ‘ssu prughjettu hè stata appiccicata piazza a Ghjesgia in Santa Lucia. I Conclusioni di u cumissariu d’inchiesta à nantu à u prughjettu di sfruttà ‘ssa carriera « à l’apartu » di petra di granitu à nantu à a cumuna di Fuzzà, i stalazioni di scuncassi è cerniglii, è a criazioni d’une pista d’accessu, ch’idda passarà pà a cumuna di Loretu di Tallà, inghjennani l’addisperu è a rabbia di i membri di u Cullettivu.

Pà sapè ni di più :
Prughjettu di carriera in Sta Lucia di Tallà, u Cullettivu « Forza Tallà », ùn cappia nudda

Jacqueline Gourault è Jean-Baptiste Lemoyne in visita in Corsica

Una visita in furia incù una prima ghjurnata trà Bastia, Merusaglia è Corti, pà zifrà parechji PITC (Piani di trasfurmazioni è d’investimenti pà a Corsica). Si passaia in Aiacciu a siconda ghjurnata, è si trattaia di u turisimu è a transizioni ecologica.

Pà sapè ni di più :
Una prima ghjurnata tracarca pà Jacqueline Gourault è Jean-Baptiste Lemoyne

U Turisimu à u centru di i dibattiti ‘ssu 2du ghjornu

Airbnb : Dichjarazioni di guerra di u Cunsigliu Municipali d’Aiacciu

Aiacciu hè cunfruntata à a prublematica di l’alloghji ammubulati di turismu (logements meublés de tourisme): quasgi 1800 appartimenti in quantu à a municipalità, chì riprisintariani 82 % di i nuttati pà u 2020. Inghjenna ‘ssa situazioni cunsequenzi maiò pà l’alloghju, a fiscalità, è a vita economica.

Pà sapè ni di più :
Airbnb : Dichjarazioni di guerra di u Cunsigliu Municipali d’Aiacciu

Pulemica in Francia incù anziani capi di l’armata

U 14 d’aprile scorsu, una vintina d’anziani gradati, raghjunti dippoi da d’altri, ani publicatu una tribuna, una Chjama à « l’onore di i nostri guvernanti » è à ” salvà a Francia di a disentegrazione », annant’à un blog spicializatu, ripresu da « Valeurs actuelles », ghjudicata da certi comu « una Chjama à l‘insurrezione ».

Pà sapè ni di più :
Pulemica in Francia incù anziani capi di l’armata

Tarrituriali – sarà compia Per a Corsica ?

Si dici oghji ch’hè dicisu l’affaru pà Jean-Christophe Angelini: si ni andaria solu à u Primu giru u P.N.C. Pà ciò chì tocca à Femu a Corsica è Corsica Libera, dopu à a dichjarazioni di Jean Felix Acquaviva, Sicritariu generali di Femu a Corsica, d’abbandunnà à l’andatura Per a Corsica, Corsica Libara rispondi pà via di un cumunicatu di stampa.

Pà sapè ni di più :
Tarrituriali – sarà compia Per a Corsica ?

Tarrituriali – 7 militanti naziunalisti storichi lampa una chjama à l’eletti

« Chjama à i Capizzoni pulitichi naziunalisti eletti : […] Ni soutien inconditionnel, ni caution, ni blanc-seing ». Hè cusì ch’idda principia ‘ssa lettara aparta. Dumandani l’anziani capimachjia naziunalisti ch’idda ci sighi di più coesioni trà i sfarenti muvimenti, è dinò di più cuerenzi trà a gestioni di a CdC è i fundamentali di a lotta di liberazioni naziunali, ch’iddi li parini beddi luntani avà.

Pà sapè ni di più :
Tarrituriali – 7 militanti naziunalisti storichi lampa una chjama à l’eletti

Tarrituriali – Si scanta A Manca

In u 2020, a Manca avia annunciatu a so participazioni à l’elezzioni tarrituriali è a so intenzione di discorra incù altri « forzi pulitichi opposti à u liberalismu è rispittuosi di i diritti inalienabili di u populu corsu ». ‘Ssu marti, a Manca ci ampara ch’edda ùn sarà micca presentI.

Pà sapè ni di più :
Tarrituriali – Si scanta “A Manca”

Senza surpresa, parti in campagna solu Core in Fronte. Hà prisintatu a so dimarchja ‘ssu sabbatu in Patrimoniu : Ricusu di u tuttu liberalismu, d’un’ecunumia ch’ùn prufita cà qualchì famidda, un’autonomia forti (comu in Sardegna), vista comu una tappa nicissaria pà ghjunghja à l’autodeterminazioni, aprendu à strada versu una supranità piena é intera.

Pà sapè ni di più :
Tarrituriali – Core in Fronte si ni và in campagna

Tarrituriali – Lancia a so campagna Eculugia Sulidaria

Eculugia Sulidaria addunisci EELV è parechji muvimenti di manca. I Candidati ani spiigatu a so andatura in Vizzavona ‘ssa duminicata. S’articuleghja in giru à 5 punti :

Pà sapè ni di più :
Tarrituriali – Lancia a so campagna Eculugia Sulidaria

In Petranera, hà da escia un palazzu di 4 piani in bordi mari

Una cinquantina di parsoni si sò mubilizati sabbatu scorsu à nantu à u cantieru di a criticavuli prumuzioni Pietramare, in San Martinu di Lotta (Petranera).

Pà sapè ni di più :
Prima paginaPulitica In Petranera, hà da escia un palazzu di 4 piani in bordi mari

Una ceremonia in mimoria di u genocidiu armenianu in Bastia

Era urganisata sabbatu a cummimorazioni Piazza San’Niculà, incù un depositu di fiori à 2ori davanti à u munimentu di i morti, è una veghja di prigheri in ghjesgia San Roccu, à l’iniziativa di u Cumitatu Corsica-Arménie.

Pà sapè ni di più :
Una ceremonia in mimoria di u genocidiu armenianu in Bastia

Bastia in Lega 2 !

Malgradu una stagione quasgi sempri ghjucata senza u so publicu, pà causa di pandemia, riesci ‘ssa prudezza ritruvendu u prufessiunalismu è a lega 2 !

Pà sapè ni di più :
Bastia in Lega 2 !

Tant de folie, 50 partiti maiò di u Sporting, da Jean Paul Cappuri

Era viramente aspitatu da l’inamurati di u SCB, ed hè oramai ghjuntu ! Tant de folie, un libru di Jean-Paul Cappuri, ghjurnalistu spurtivu è sustenitori di sempri, publicatu da l‘edizioni Coletta. Un travaddu à a gloria di u club, di i so ghjucatori, di i so dirigenti, è sopratuttu di i so sustenotori, chì l’ani sustinutu sempri.

Pà sapè ni di più :
Tant de folie, 50 partiti maiò di u Sporting, da Jean Paul Cappuri

U Borgu in DOLU – Si n’hè andata Rosette

Marie Rose Bastelica era di ‘ssa ghjenti cunnisciuta da tutti l’aiaccini, da i più anziani à i più ghjovani. Si n’hè andata à l’eternu, ‘ssu marcuri scorsu in Aiacciu. Incun’idda, hè una parti maiò di a mimoria aiaccina chì s’hè spinta.