SC Bastia : Bravi ! Malgradu una stagione quasgi sempri ghjucata senza u so publicu, pà causa di pandemia, riesci ‘ssa prudezza ritruvendu u prufessiunalismu è a lega 2 ! 4 anni dopu à a so falata à l‘infernu, à malgradu i trappuli piazzati anant’à a so strada, riescendu trè cuddati di fila, da a Naziunali 3, induva era statu retrogradatu da a lega prufissiunali, à a Naziunali 2, incù u su intrenori Stephan Rossi, eppò quist’annu incù Mathieu Chabert.

Davanti à i porti di Armand Cesari, una centinaia d’accaniti, baretta in capu, sciarpi ingiru à u coddu, mascari in manu, saltendu, cantendu, à mezu à l’abbracciamenti, lasciani schiatà a so alegria, incù i lumi rossi di i fumigeni. Luntanu, i vitturi filani annant’ à a quatru vii, clacsunendu furiosamenti.  A a calata di a notti, a zona cummerciali, ingiru à u stadiu di u Sporting ùn avia più cunnisciutu un tali rimusciu dipoi parechji anni. Una bedda festa.

Capeddu bassu à i dirigenti, i coach, i ghjucatori, a so inquadratura, i benevuli, i sponsors è sopratuttu à i sustenitori, chì tutti ani sapiutu sustena è essa sempri quì in i gativi comu in i boni ghjorni. Tant’auguri pà a staghjoni prossima annant’à a strada d u succesu… è parchì micca à finiscia in biddezza, incù un tittulu di campioni di N1 ? FORZA BASTIA !

Laisser un commentaire

Corsica.news

GRATUIT
VOIR