Visita ministeriali : u Turisimu à u centru di i dibattiti ‘ssu 2du ghjornu

Sè arimani, tutti i sguardi miraiani à Jacqueline Gourault pà a ziffra di parechji piani di sustegnu finanziarii, era oghji Jean-Baptiste Lemoyne, Sicritariu di Statu in carica di u Turisimu, ch’idd’era aspittatu. Era d’altrondi l’invitatu puliticu di Patrick Vinciguerra sta mani à nantu à RCFM, nanzi à i riunioni incù i prufissiunali di u settori di ‘ssu dopu meziornu.

  • Da fighjulà è ascultà quì :

Una visita sottu tensioni :  ci voli à matriculà ch’avia urganizatu ‘ssu luni « a fidirazioni di l’uparaghji di u turisimu corsu » una manifestazioni davanti à a Prifittura,  dumandandu à u Statu misuri straurdinarii di sustegnu, è dinunziandu frà altri u creditu d’impositu pà l’investimentu. Senza nisciunu cuntrolu da a u Statu, hà permissu ‘ssu dispusitivu à speculatori à custruì risidenzii sicundarii didicati à a locazioni, in cuncurrenza difattu incù l’osteria tradiziunali.

Dopu à ‘ssi riunioni in Prifittura in Aiacciu, parechji ingagiamenti di u Statu:

  • Un sustegnu finanziariu di 24,4 millioni pà rilancià u turisimu in Corsica
  • Un’antru sustegnu particulari à favori di l’impresi in difficultà di u settori 
  • Un cuntrattu di travaddu specificu pà l’impiegati di a statina
  • Eccu i riporti di Stéphane Poli, Dominique Moret è Franck Rombaldi
    à nantu à Via Stella

Laisser un commentaire

Corsica.news

GRATUIT
VOIR