Airbnb : Dichjarazioni di guerra di u Cunsigliu Municipali d’Aiacciu

Aiacciu hè cunfruntata à a prublematica di l’alloghji ammubulati di turismu (logements meublés de tourisme): quasgi 1800 appartimenti in quantu à a municipalità, chì riprisintariani 82 % di i nuttati pà u 2020. Inghjenna ‘ssa situazioni cunsequenzi maiò pà l’alloghju, a fiscalità, è a vita economica.

Pà limità l’impatti negativi di ‘ssu fenomenu, principia a cità un prucessu di rigulamenti, intornu à dui proceduri: 

  • Toccarà à u prupretariu à dumandà à a merria un’autorisazioni pà cambià d’usu (casa principali/sicundaria)
  • Ci vularà dinò à fà una dumanda nanzi à ogni missa in lucazioni.

Stu prucessu si scrivi in un dispositivu più largu : « Tassazione di i casi sicundarii, campagna di rinnovu di l’abitazioni di u centru cità da rimetta li à nantu à u marcatu. Hè stata aduprata ‘ssa deliberazioni subitu subitu da u Cunsigliu municipali, à l’unanimità. Un successu dunqua  pà Christelle Combette, Prisidenti di l’Uffiziu intercumunali di u Turisimu, chì avia annunciatu a so vodda d’inquadrà ‘ssi lucazioni.

Laisser un commentaire

Corsica.news

GRATUIT
VOIR