U Borgu in DOLU – Si n’hè andata Rosette
Marie Rose Bastelica era di ‘ssa ghjenti cunnisciuta da tutti l’aiaccini, da i più anziani à i più ghjovani. Si n’hè andata à l’eternu, ‘ssu marcuri scorsu in Aiacciu. Incun’idda, hè una parti maiò di a mimoria aiaccina chì s’hè spinta. Addirizza a Ridazzioni di Corsica.news i so duglianzi afflitti à tutti i soi.
Facia 80 anni ch’idda campaia in u Borgu « Rosette », è l’avemi tutti scuntrata, à venda i candelli pà a Madonuccia, ò pusata incù a so cucina Marie à nantu à u so bancu davant’à Festa Zitellina. Campaia dapoi a so nascita à u 44 rue Fesch, palazzu carcu di Storia, è locu di a prima riunioni publica di Napuliò.
Lachi u biotu tamantu, ò Rosette, in u cori di tutti i to vicini di u Borgu, è di tutti l’Aiaccini.
À nantu à i reti suciali, sò numarosi i tistimunianzi
Un annu fà, si pudia veda à Rosette à nantu à Via Stella, in u documentariu Sucietà corsa : L’anziani di Delphine Leoni
Ci mancarè, ò Rosette, riposi in paci.
L'Autori
