Una ceremonia in mimoria di u genocidiu armenianu in Bastia

Era urganisata sabbatu  a cummimorazioni Piazza San’Niculà, incù un depositu di fiori à 2ori davanti à u munimentu di i morti, è una veghja di prigheri in ghjesgia San Roccu, à l’iniziativa di u Cumitatu Corsica-Arménie.

Sabbatu u 24 d’aprile 1915, in Costantinopoli, capitala di l’Imperu ottomanu, 600 nutabili sò tombi da u Guvernu. Hè u prinicipiu di un genocidiu, u primu di u XXe seculu. Ci sarà trà 1,2 è 1,5 millioni di vittimi armeniani in l’Imperu turcu, 250.000 in a minorità assyrochaldeana di i pruvinci orientali è 350.000 in i Pontichi, ortodossi hellephonichi di a pruvincia di u Ponti.