In Petranera, hà da escia un palazzu di 4 piani in bordi mari
Una cinquantina di parsoni si sò mubilizati ‘ssu sabbatu à nantu à u cantieru di a criticavuli prumuzioni Pietramare, in San Martinu di Lotta (Petranera). Vuliani à dinuncià una operazioni di custruzzioni scema – a ridazzioni di Corsica.news à pensa cusì – d’un palazzu maiò ch’idd’hè sciutu da tarra … ò da l’acqua ? Hè cusì vicinu à u mari ch’à dilla franca ùn si sà mancu più … Dopu, ‘ssa mubilisazioni s’hè spiazzata davanti à a merria di San Martinu di Lotta.
Parchì ùn avarà micca preemptatu a merria ?
Hè quissu quì u primu rimproveru fattu à a municipalità: tuccaia à idda, in quant’à i manifestanti, à cumprà u locu, da impediscia ‘ssu prughjettu. S’hè difesa a Merria dicendu ch’idd’ùn pudia investiscia un millioni da cumprà ‘ssu tarrenu. Hè statu in fini vindutu pà 550.000 € à dui sucetà di prumuzioni… E ani da custruì 23 alloghji, ch’iddi sò da venda trà 450.000 è 800.000 €.
Eccu trè picculi filmetti di i custruzzioni:
Pà sapè ni di più :
L'Autori
