Crescini in furia i dumandi d’aiutu à u Succorsu Populari di Corsica Suttana
Hyacinthe Choury, u sicritariu righjunali di u Succorsu Populari, parla d’una cuddata di 50% di i dumandi trà u 2019 è u 2020 in Corsica Suttana. Si cunfirmighja ‘ss’aumentu d’altronda sempri in u 2021.
U cuntestu sanitariu è economicu hà fattu alzà di più è metta in risaltu a precarità in Corsica. Hè u Siccorsu Populari chÌ ni cunstatighja principalmenti i disguasti.
Sò revelatori i sciffri: più di 1200 parsoni sò aiutati à ‘ssu ghjornu, 580 famiddi.
« Trà farraghju di u 2019 è farraghju di u 2020, aviami dighjà più di 50% di dumandi in più. E da farraghju di u 2020 à farraghju di u 2021, avemi guasgi duppiatu ‘ssu sciffru » diplurighja Hiacinthe Choury. U cunstatu hè criticu. »
U sicritariu generali di a Prifittura di Corsica Suttana, dopu à una visita di u lucali, hà pussutu cunstatà ‘ssa dramatica rialità è hà insistitu pà fà u puntu annant’à a ridistribuzioni di a robba invinduta di l’ipermarcati chì ghjova à nutriscia l’aghjenti u più in u bisognu.
L'Autori
