‘Ssa settimana in a stampa – Riassuntu digitali

Corsica.news vi pruponi ogni settimana un riassuntu di ciò chì s’hè ditta in a stampa isulana, incù cuntinuti arricchiti : audio, ritratti, filmetti ecc. Eccu quì l’attualità di ‘ss’ultimi ghjorni.

COVID-19 – Puntu settimanali

Pari ch’idda calessi a circulazioni di u virus. Da ciò chì ni dici Santé publique France, sminuisci a somma di i malati novi, una diminuzioni più marcata in Corsica Suttana (-23%) chì in Cismonti (-3%). Sminuisci dinò a pusitività à i test, è l’uspitalisazioni.

Pà sapè ni di più :
Legami di l’articulu

I liceani Aiaccini ani da cuntinuà a greva

Dipò ‘ssu luni di riintrata in prisinziali pà i licei, sò tocchi i stabilimenti da un muvimentu di greva naziunali. In causa : u mintinamentu di ciarti provi scritti pà u Bac, è a missa in anda di u “grand oral”: una prova nova chì s’affaccaria quist’annu. D’altri mubilizazioni ani da vena ‘ssa settimana.

Pà sapè ni di più :
Legami di l’articulu

FLNC MAGHJU 21

Setti anni dopu à l’addii à l’armi di u FLNC fundatu in u 1976, un novu gruppu armatu, chì hà presu u nomi di FLNC Maghju 21, s’hè affaccatu annant’à a scena pulitica isulana, via une cunfarenza di stampa clandestina chì adunia à ottu militenti, cuprifacciati è armati à fucili mitragliori è pistoli.

Pà sapè ni di più :
Legami di l’articulu

Nabuliò : Filmi made in Corsica

U bicintinariu di a morti di Nabuliò hè l’uccasioni, pà Corsica News, di vultà annant”à un fattu pocu cunnisciutu : a pruduzzioni corsa di ducumintarii è filmi cunsacrati à u ziteddu d’Aiacciu turratu u maestru di l’Auropa.

Pà sapè ni di più :
Legami di l’articulu

PONTE NOVU : CUMMIMURAZIONI, IN TEMPI DI COVID…

A cummimurazioni di a battaglia di Ponte Novu hè stata marcata anch’idda da i misuri sanitarii ligati à a Covid. Hè da u 1925 ch’idd’hè urganizata ’ssa celebrazioni di i suldati di l’Indipindenza corsa, cascati in ‘ssu locu.

Pà sapè ni di più :
Legami di l’articulu

Furiani, 29 anni fà

Era un 5 di Maghju. Divia stà in menti com’a festa a più bedda di u ballò corsu, ed hè turrata una catastroffa chì nimu ùn pò scurdà.

Pà sapè ni di più :
Legami di l’articulu

Ghjenti – Partigiana, da scopra à nantu à ViaStella

Un filmu di a cullezzioni Ghjenti diffusatu in esclusività pà l’8 di Maghju. In “Partigiana”, a rialisatricia Jackie Poggioli, incù documenti è intervisti inediti, volta à nantu à u destinu di Eugénie Rosellini, risistenta scunnisciuta, chì s’hè upposta à a Gestapo di Lyon è à u sinistru Klaus Barbie…

Pà sapè ni di più :
Legami di l’articulu

Da l’attualità à a Storia – « OMBRE ROSSE » : STRADIZIONI IN ITALIA ?

Veni di riaffaccà indè l’Attualità a quistioni di a stradizioni di militanti di i Brigate Rosse ed’ altri urganisazzioni di strema manca, rifughjati in Francia dippò una quarantina d’anni. Deci parsoni sò cuncirnati. Una d’iddi hè sempri ricircata par avà.

Pà sapè ni di più :
Legami di l’articulu

AFFARI HALIMI: UNA NOVA LEGGI IN ANDA

L’affari di Sarah Halimi, una donna ebreia di 69 anni tumbata d’aprili di u 2017 in Pariggi da u so vicinu islamistu, hà avutu seguiti novi, dippò i manifestazioni di ghjinnaghju è aprili, ricinsati in Corsica dinò. Un prughjettu di riforma di a Leggi annant’à l’irrispunsabilità penala hè statu missu in anda.