Tarrituriali – a lista di u Partitu Cumunistu

Hè stata prisintata u 4 di maghju à tempu in Bastia, Piazza San Niculà è in Aiacciu, Piazza à u Marcatu. Rivindichendusi  di « a Manca suciali è eculugista « , a dimarchja hà pà capimachja u Bastiacciu Michel Stefani, sicritariu righjunali di u Partitu Cumunistu (PCF) da parechji anni. Hè chjamata a lista « Campà megliu in Corsica-Vivre mieux en Corse ».

Volini fà senta i Cumunisti a parodda di una Manca chì ùn hè più prisenti à l’Assemblea di Corsica da u 2018. Michel Stefani dinunzighja d’altronda « les politiques libérales » chì sariani missi in anda à a CDC. 

« Avec les plans de relance Salvezza et autres, les responsables de la vie chère […] faisant que les gens vivent  difficilement dans l’île, ne sont jamais désignés. Nous voulons casser ce système et ce consensus pour porter d’autres choix anti-libéraux. […] Nous voulons offrir des perspectives de résistances et de luttes à celles et ceux qui souffrent. Aggravées par la pandémie, les inégalités explosent ! La pauvreté s’étend. Les responsables publics sont interpellés. Il faut ouvrir une perspective de changement social et écologique, c’est le sens de notre engagement. »

Annant’à a lista di i 63 nomi, monda rinnuvata à riguardu à quidda di u 2017, s’arritrovani giovani à fiancu a più anziani: « des gens qui oeuvrent pour l’intérêt général, des militants associatifs, acteurs de la cause féministe, culturelle ». U discorsu faci monda rifarenza à dui tematichi chì ani presu una piazza maiò ‘ss’ultimi anni indè l’Attualià :  l’eculugia è a quistioni di i donni. 

S’iddu hè turratu sturicamenti in Corsica, u currenti cumunistu, unu di i nimichi più accaniti di u muvimentu naziunalistu, sacrifighja da qualchì annu à … un usu idintitariu chì s’hè sparghjatu à parechji urizonti pulitichi : u nomu di a so lista, indù u Corsu hè missu … nanzi à u Francesi, allora ch’iddi hè uppostu u PCF à u bislinguisimu è à a cuufficialità… Aldilà di a quistioni linguistica, hè firmatu u PCF in Corsica  viulamenti più uppostu à i Naziunalisti, mentri ch’iddu si n’hè avvicinatu un pocu di più u leader di a LFI (La France Insoumise), Jean- Luc Mélenchon, chì avia tazzatu l’allienza di i membri corsi di a LFI  incù  u PCF lucali in u 2017, sciaccamanendu u so fiascu à l’elezzioni! Dippò, ùn sò di sittimani i militanti cumunisti incù a LFI. Spiega ‘ss’affari un fattu ughjincu…

Un ci sarà lista cumuna di u PCF incù a LFI  : « Inseme a Manca » nous a dit que les conditions n’étaient pas réunies, malgré des convergences nombreuses, pour une liste commune »: cusi dici Michel Stefani.

In u 2027, a lista « Corse insoumise/PCF», (5,68% des voix),  purtata da Jacques Casamarta, ùn avia uttinutu i 7% nicissarii pà essa prisenti à u sicondu giru.