Tarrituriali – U Cullettivu « Maffia NÒ a Vita IÈ » quistiunighja i candidati

‘Ssu Cullittivu intarrughighj i candidati annant’ à a sviatura mafiosa è li dumanda di pusiziunassi .Aspittendu azzioni in ghjustizia è una vigilenza di i puteri publichi, li chera 7 quistioni.

Seti pronti:

à ricunnosci a situazioni mafiosa prisenta in Corsica è à luttà senza dibulezza da riducia à so influenza?
à vighjà à l’applicazioni di a leggi, vutata da pocu, cuncirnindu a riimpiegu suciali di i bè cunfiscati?
à incuragiscia à migliurazioni di a Leggi Perben chi aiuta à a prutizzioni di i Pentiti in Francia? Di u parè stessu di u Prisidenti di a Cummissioni Naziunali di prutizzioni è riiserzioni, prisenta carenzi pocu capiscitoghji è li tocca à prugrissà pà essa efficaci è uparaziunali
à vighjà da ristrigna u perimetru di u conglumeratu chi cuntrulighji oghji a maiò parti di i levi economichi di a Corsica, è à dumandà ch’idda sighi auditata a so attività regularmenti, à partasi di u mumentu indù d’agisci di i soldi publichi
à ingaghjavi pà chi i puteri publichi bluchessini senza aspittà u prughjettu di centru di stucaggiu di Giuncaggiu ? A so attività cunsacrata à i riffiuti amiantifari in i ribbi di u Tavignanu cunstituisci à tempu un priculu pà a saluta publica è un sboccu pà l’appetiti mafiosi chi ingirani u sittori di u BTP
à fà un riccorsu à a ghjustizia penali quandi pudareti custatà irregularità maiori in a gestioni di l’uffizii è agenzi chi sò suttu a rispunsabilità di a CDC, o di i strutturi publichi à quali porghji un sustegnu finanzieri maiò, comu u PNRC o i SDISS
à dutà a CDC di l’arnesi numerichi chi facilitighjani a cuntribuzioni è u cuntrollu citaddini, guaranzii d’una demucrazia muderna chi pudaria cusi essa rinfurzata dà a participazioni di a ghjuventù?