Lista Corsica Libera : u ricintraghju militenti
Hè stata prisintata ‘ssu 16 di maghju in Corti a lista di Corsica Libera, dirighjita da Jean-Guy Talamoni. Si chjama « Fà nazioni« . Un nomi chì traduci una vulintà di ricintraghju militenti. S’arritrova dinò ‘ss’andatura in u prufilu di i candidati, vinuti da i ranghi di u muvimentu supratuttu.
Quiddi chì custituiscini a lista Fà nazioni sò pà a maiò parti militenti, à l’incuntrariu di i dui altri listi di l’anziani partinarii di Pè a Corsica, indù ci sò -supratuttu frà mezu à i culistieri di Jean-Christophe Angelini- parechji « candidati d’apartura », luntanu à u mondu naziunalistu sin’à pocu.
-
Filmettu di u meeting di Corsica Libera in Corti
U discorsu anch’iddu di Corsica Libara palesa a stampa di un ricintraghju, resu più faciuli podassi da u fattu chì u Muvimentu si prisenta solu è hà dunqui una sprissioni più libara. In un’ interview, dicia u capilista a nicessità di pudè « gouverner, pas gérer »… Parini d’arrisponda ‘ssi paroddi à u discorsu di u Flnc Maghju 21, affaccatu qualchi ghjorni fà, chì intazzaia l’eletti di l’Assemblea di Corsica, chì sariani divintati « gestiunnarii di una Cullitività », inveci di pugnà à imponassi da « guvernu d’una Nazioni »…
U nomi di a lista rifletta ‘ss’andatura: « Fà Nazioni » hè una prufissioni di feda franca è chjara chi chjama difatti à un prughjettu d’emancipazioni, sfarenti à quiddu di a lista di Gilles Simeoni, chi rivindichighja una antra andatura: « Fà populu »…
U 63u nomi – l’ultimu, u più simbolicu- di a lista Fà Nazione ribomba in quant’ad’iddu comu una rivindicazioni di l’arradichera storica di l’andatura scelta da Jean-Guy Talamoni è i soi : hè quiddu di Saveriu Valentini, militenti di sempri è attori di prima trinca di a scena culturali corsa.
Aldilà di i so scritti, in puesia è in prosa, Saveriu Valentini hè u cufundatori, incù Dumenicu Tognotti, di a Cumpagnia Teatru Paisanu, chi hè stata, in u 1973, à l’iniziu di a riaffaccata d’u teatru in lingua corsa, svanitu dippò l’anni Trenta. T’avia una sprissioni monda indiata, chi ha accumpagnatu u sbucciu di u Riacquistu.
Avia palisatu Saveriu Valentini, più di deci anni fà, in un’ interview prisenta in u ducumintariu di Jackie Poggioli, intitulatu « Teatru corsu : u primu fiatu », a so participazioni à u Flnc. Hè u solu attori culturali maiò di u Riacquistu chi hà fattu una dichjarazioni publica simuli, nanzi à l’addii à l’armi di u flnc. U so prufilu tistimunighja bè di a vulintà di a lista di Corsica Libera di prisintassi in u filu d’una andatura storica di u muvimentu naziunalistu.
Si situighja in una visioni ughjinca specifica, à riguardu à d’altri cumpunenti di u muvimentu, chì bramani di francà ad’altri tempi. Bisognu ci saria, cusì à dici Jean-Christophe Angelini, « de s’extraire des postures idéologiques […], de s’affranchir de la pensée politique héritée du passé ». Arrispondi Jean-Guy Talamoni ch’idda hè, a so andatura, « un projet qui ne relève pas du post-nationalisme, mais bien du nationalisme ».
A lista Fà Nazioni :
1. Jean-Guy Talamoni
2. Josepha Giacometti
3. Lionel Mortini
4. Laura Poli
5. Pet’Antone Tomasi
6. Laura Furioli
7. Esteban Saldana
8. Rosa Properi
9. Michel Giraschi
10. Vannina Angelini Buresi
11. Pierre-José Filipputti
12. Marie Simeoni
13. Jean-Michel Simon
14. Valerie Straboni
15. Batti Pieri
16. Sabrina Agostini
17. Charles Finidori
18. Aurélie Maurin-Hervouet
19. Pierre-Marie Mattei
20. Marie Ange Dolcerocca
21. Pierre-Paul Chiarasini
22. Marie Paule Castellani
23. Jean-Félix Casalonga
24. Florence Turi
25. Ange-François Simeoni
26. Lisandrina Dalakupeyan Serreri
27. Antoine Degerine
28. Katty Bartoli
29. Jean-Yves Leandri
30. Sandra Morelli
31. Xavier Lorenzi
32. Marie-Charles Pieri
33. Philippe Viola
34. Santa Costa
35. François Albertini
36. Véronique Sciaretti
37. Ghjambattista Bourdiec
38. Andrée Martini
39. Damien Poletti
40. Marie Thérèse Rotily Forcioli
41. Jean-Paul Merli
42. Dominique Raffalli
43. Jo Bonavita
44. Antoinette Angèle Leca épouse Apriani
45. Olivier Bianconi
46. Stéphanie Giona
47. Charles Cugurno
48. Anne-Marie Ottomani
49. Régis Gomez
50. Alexandra Bischof
51. Petru Vesperini
52. Marie-Pierre Albertini
53. Antoine Adami
54. Laetitia Leca
55. Anthony Luciani
56. Stella Versini
57. Thierry Pesce
58. Jeanne Biondi
59. Alain Cacciari
60. Nicole Stromboni
61. Sampieru Andreani
62. Anna Grazi
63. Saveriu Valentini
L'Autori
