Water Bike Challenge: Conor McGregor, in guardia custodia, sciacca un chjodu
I 12 è 13 di Sittembri, era urganizatu da a fundazioni Princesse Charlène pà a terza volta di fila u Water Bike Challenge: una corsa caritativa chì andaia quist’annu da Calvi à Monaco. Parechji spurtivi famosi erani prisenti, ma hà missu un chjodu Conor McGregor. Avemi imparatu dopu ch’era in guardia custodia in Balagna u Capi’machja di u MMA, pà tentativu d’agressioni sessuali è esibizioni…
S’hè passatu l’affaru una sera di sittembri in un bar di Calvi. S’hè ritrovu McGregor 48 ori in guardia custodia. Avà libaru, niga sempri ‘ssi fatti u cumbattanti è ùn hè micca statu prucessatu.
Castigatu da ‘ssa storia, l’hà fattu rimpiazzà a fundazioni da Guido Belonskis, physio-ostéopathe. Privata da Mc Gregor, hà persu a squadra « Notorius », ed’hè a squadra Serenity purtata da a principessa ch’hà vintu u Water Bike Challenge.
Chì hè u Water Bike Challenge ?
‘Ss’evenimenti addunisci parechji spurtivi famosi è altri celebrità. Hà pà scopu di racoglia soldi pà parechji associ, comu Water Safety chì sensibilizighja à l’anniatura.
Les concurrents viennent de disciplines différentes
Quist’annu, da Calvi, ci vulia à ghjunghja in Monaco: 180 km di water bike, ciò ch’impona à minimu 6 ori di straziu pà ogni participanti. Pà appruntà si, avemi pussutu veda à a principessa Charlène ed’ancu à Conor McGregor quasgi tutt’u mesi d’austu in u circondu calvesi.
L'Autori
