Semi à a mità di a cumpetizioni. Hè turratu primu per avà u purtivichjacciu di 21 anni di un campiunatu chì s’hè fattu ancu incù u Covid-19. À l’iniziu, erani privisti 7 corsi una ogni mesi. In fini ci ni sarà solu 4, da a fini d’Austu è u 1mu di Nuvembri.
Riapprani i paddocksà partasi di u 20 d’Austu. Pianamenti è bè, si busca una 2da piazza Jean-Baptiste Mela, incù solu 14 punti di ritardu à nantu à u primu.
È hà da accuncià a somma mentri a siconda tappa u nosciu campioni di a Team Autosport GP : da l’iniziu di i provi fin’à l’ultima corsa, ferma u capu di fila, una prima dipò a criazioni di ‘ssu campiunatu. Jean-Baptiste Mela pidda a suprana incù 86 punti è 22 dui di più cà u sicondu.
Jean-Baptiste Mela mentri a siconda corsa u 13 di Sittembri, ritruveti quì u filmu di a corsa.
Annu scorsu, J.B. Mela avia compiu 4rtu di a cumpetizioni è 2du di a so categoria. Quist’annu, voli vincia, ma in più di l’onori, li parmittaria ‘ssa vittoria di participà a i selezzioni in LMP2, è podassi « taper dans l’oeil de Signatech. » È parchì micca ?!
Asculteti quì l’intervista rializata da a noscia ghjurnalista Pauline Leandri