Mgr François-Xavier Bustillo, u novu vescu di Corsica
L’aspittaiani i cristiani di Corsica ‘ssa numinazioni dipò u 22 d’uttobri, quand’iddu si n’hè andatu Mgr Olivier de Germay, da divintà archivescu di Lyon, dopu à a demissioni furzata di u cardinali Philippe Barbarin.
Da leghja in altrò :
La condamnation du cardinal Barbarin, une onde de choc dans l’Eglise
D’induva hè u novu vescu ?
Mgr François-Xavier Bustillo hè natu u 23 di nuvembri di u 1968 in u nordu di a peninsula iberica, in Pamplona, in u nordu di a Navarra. Faci parti di l’ordini franciscanu. Hà ricivutu a so furmazioni in Italia, nanzi d’essa urdinatu preti u 10 di sittembri di 1994. Hà dopu esercitatu parechji ministeri in Narbonne, Tarbes è Lourdes. Naturalizatu francesi u 31 d’uttobri di u 2006, hè membru dipò u 2020 di u Cunsigliu episcopali di u diocesi di Tarbes è Lourdes.
U novu vescu di Corsica sarà urdinatu in Catedrali in Aiacciu u 13 di ghjunghju à 3 ori.
L'Autori
