Jacqueline Gourault è Jean-Baptiste Lemoyne in visita in Corsica

Sò ghjunti sta mani in Corsica a Ministra di a Cuesioni di i tarritorii è u Sicritariu di u Statu in Carica di u Turisimu. Una visita in furia incù una prima ghjurnata trà Bastia, Merusaglia è Corti, pà zifrà parechji PITC (Piani di trasfurmazioni è d’investimenti pà a Corsica). 500 millioni d’euri sarani distribuiti pà prughjetti varii. Una siconda ghjurnata hè privista ‘ssu marti in Aiacciu, pà trattà di u turisimu è a transizioni ecologica. 

Una visita sottu tensioni, incù cinqui cartulari pulemichi : Un PITC cù parechji cosi chì fermani da pricisà, un turisimu chì aspetta misuri precisi, u Pianu Salvezza ch’ùn voli à accittà u Statu, una dutazioni di cuntinuità tarritoriali sottumissa à novi cundizioni, è u ricusu fattu da u Prifettu di u Pianu di a CdC à nantu à i frazi…