‘Ssa settimana in a stampa – Riassuntu digitali
Corsica.news v’hà da prupona da quì à pocu ogni ghjornu un riassuntu di ciò chì s’hè ditta in a stampa isulana, incù audio, ritratti, filmetti è legami internet pà avè di più informazioni. Per avà pudeti ritruvà quì l’attualità di ‘ssa settimana.
Puntu settimanali à nantu à u Covid
‘Ssu marcuri sera à a televisiò, spiigaia Jean Castex à i francesi chì si migliurighja a situazioni in generali, è ch’idda cala a circulazioni di u virus dipò deci ghjorni.
Pà sapè ni di più :
Gasu naturali è centrala nova in Aiacciu : micca nanzi à u 2026
Hà da essa attimpata a missa in opara di a nova centrala di u Ricantu. À l’iniziu, era privista ch’idda rimpiazzessi u Vazziu à parta si di u 2023. In fini, hà da stà in marchja a vechja centrala à minimu pà cinqui anni. In causa : ciarti difficultà tecnichi à adattà u tarrenu è fà vena u gasu à u Ricantu.
Pà sapè ni di più :
Gasu naturali è centrala nova in Aiacciu : micca nanzi à u 2026
Joseph Castelli in prigiò dipò marti
Hè statu inprigiunatu in Borgu l’anzianu senatori è anzianu Prisidenti di u Cunsigliu generali di Corsica Suprana. U 30 di marzu scorsu, era statu cundannatu à 4 anni di prigiò è trè anni fermi pà trafficu d’influenza, corruzzioni passiva è falzi in scrittura da u tribunali currizziunali di Bastia.
-
Pà sapè ni di più :
Joseph Castelli in prigiò dipò marti
Ùn sò ancu fatti i listi pà i Tarrituriali
À dui mesi di u primu giru è menu d’un mesi nanzi à a limita da prisintà a so lista, ciarti sò sempri à discorra. Patrick Vinciguerra facia una prima analisa di ‘ssa situazioni è di st’elezzioni da vena ‘ssu marcuri matina à nantu à RCFM.
Pà sapè ni di più :
A rinnuvazioni energetica in Corsica
S’iddu si compia u 1mu di Ghjugnu u pianu naziunali d’aiutu pà a rinnuvazioni energetica di i casi, u dispusitivu righjunali, simuli, sarà iddu mintinutu. Purtatu da EDF, a Cullittività di Corsica è l’ADEME, parmetti à l’aghjenti di rializà tutti ‘ss’opari di rinuvazioni pà un costu minimu.
Pà sapè ni di più :
Un rinnovu pà u centru di rumenzula di Vighjaneddu
Hà da sarà, e hà da essa rimpiazzatu da un ecopolu ch’iddu hà da essa missu in serviziu ‘ssa settimana in Vighjaneddu. U scopu : sminuiscia i frazi valurizandu da 20 à 30 % a rumenzula nanzi ch’idda sighi missa in tarra. Un prughjettu ch’idd’hè cuntestatu da ciarti eletti di a Cumunità di cumuni Sartinesu-Valincu.
Pà sapè ni di più :
Un bateddu incineratori
Hè a scumissa di Anthony Bizzari, capu d’impresa bastiacciu, da rigulà a prublematica di i frazi in Corsica. ‘Ssu bateddu pudaria trattà 500 tunellati di rumenzula ogni ghjornu, una soluzioni pà trattà è fà calà a puluzioni è chì ci custaria menu cara chì ciò chì si faci oghji.
Pà sapè ni di più :
Vaccinodromi e telefunati di gendarmi in Paesi
In Cuzzà o in Bisinchi, vaccinodromi -loca di vaccinazioni impruvisati- sò stati missi in piazza. Sminuiscini cusì i spiazziamenti è facilitighjani a vaccinazioni in muntagna. In d’altri paesi, ani missi à cuntribuzioni i gendarmi, da chjamà l’aghjenti e piddà appuntamenti cù i duttori.
Pà sapè ni di più :
Fistighja i so 40 anni L’IRA di Bastia
In 40 anni, sò 5000 capi di a funzioni publica di u Statu ch’iddi sò stati diplumati da l’I.R.A. di Bastia (l’Institut Régionale de l’Administration). Pà festighjà st’anniversariu, hà da urganizà l’IRA parechji evvenimenti.
Pà sapè ni di più :
Ota : un picculu meddu pà ‘ssu coppiu di ritirati minacciati d’essa lampatu fora da a Prifittura
‘Ssu luni scorsu (19/04), sò andati à scuntrà à Michel Tournaire (Coordinatori di a Securità in Corsica ghjuntu di ghjinnaghju) u Merri d’Ota Porto è u Prisidenti di a cumunità di cumuni Spelonca Liamone, François Colonna.
Pà sapè ni di più :
Hà da essa salvatu u Cunventu di Morosaglia
Pà sapè ni di più :
Chjamani à una ghjurnata di greva i servizii di rianimazioni di Corsica l’11 di maghju
D’apressu à iddi, ‘ssa crisa sanitaria a missu in lumi ciarti mancanzi in a ghjistioni di ‘ssi servizii. Capisciuttati dipò mesi e mesi, dumandani i squadri una ricunniscenza più impurtanti di i so cumpetenzi e di u so travaddu.
Pà sapè ni di più :
Greva di i servizii di rianimazioni di Corsica l’11 di maghju
130 verbalisazioni dopu à una festa clandestina in u Vescuvatu
Sò intervinuti i gendarmi sabatu sera un pocu nanzi à Mezanotti. Sicondu à u Parquet di Bastia, sariani stati ricivuti i flicchi incù petri, butiddi ed ancu un cocktail molotov. Per avà, solu un ghjuvanottu s’hè ritrovu in guarda custodia.
Pà sapè ni di più :
130 verbalisazioni dopu à una festa clandestina in u Vescuvatu
Un pianu di sustegnu pà a filiera capruna corsa
Hè ciò ch’iddu hà prupostu l’ODARC (Office du Développement Agricole Rural Corse) una settimana fà in Altiani. « Capra Corsa, Capra Viva » voli prima rigulà i prublemi stutturali, sanitarii è di pricarità di i pastori. Adduniscia ‘ssu cartulari financiamenti, mudernisazioni è impieghi novi.
Pà sapè ni di più :
Staghjoni ci hà da essa ?
Dopu à ‘ssi vacanzi d’aprili gattivi à u liveddu turisticu, ani missi in anda mezi di più da appruntà a staghjoni i Camari di Cumerci, a CDC e l’Agenzia di u Turismu. Ci sarani ‘ssa statina cumpagnii low cost chì prupunarani 240 000 sedi à nantu à i quattru aeroporti isulani.
Pà sapè ni di più :
I capatoghji di l’inglesi ch’iddi campani in Corsica
Sò quasgi 200 e ani a paura d’essa ubligati à vultà in Ingliterra dopu à u BREXIT. À parta si di u 30 d’Ottobri, sarani cunsiderati quantu à immigrati, e avarani bisognu pà stà d’un tittulu di sughjornu ubligatoriu ch’ùn pudarà francà i trè mesi.
Pà sapè ni di più :
L’ACA inciampa 2-0 in Nancy
Dopu ad avè musciatu una bedda risistanza in a prima perioda, fiasca a squadra di Olivier Pantaloni davanti l’efficacità maiò di i nancéens, è perdi cusì 3 piazzi in u campiunatu di Lega 2 à 4 ghjurnati di a fini di a staghjoni.
Pà sapè ni di più :
S’avvicina a lega 2 pà u SCB
Dopu à a vittoria contra à u SC Lyon 1-0 u 1-1 di u sicondu Quevilly, ripiddani a suprana di u campiunatu di Naziunali i Bastiacci. Hè stata attimpata a partita di ‘ssu vennari, è sè nò fighjulemi i matematichi, ferma pocu pà arritruvà u mondu prufissiunali (e l’A.C.A.) l’annu prossimu.
Pà sapè ni di più :
L'Autori
