A rinuvazioni energetica in Corsica

S’iddu si compia u 1mu di Ghjugnu u pianu naziunali d’aiutu pà a rinuvazioni energetica di i casi, u dispusitivu righjunali, simuli, sarà iddu mintinutu.Purtatu da EDF, a Cullittività di Corsica è l’ADEME, parmetti à l’aghjenti di rializà tutti ‘ss’opari di rinuvazioni pà un costu minimum, è pò essa financiatu fin’à 100 % in ciarti situazioni.

Dipò a so missa in anda 12 anni fà, sò di più in più numarosi i Corsi da dumandà ‘ssu dispusitivu. L’impresi spicializati à nantu à l’energeticu dicini iddi ch’idda s’hè multiplicata da 6 a so attività ‘ssi 10 ultimi anni.

Christophe Giudicielli spiigaia à nantu à RCFM ‘ssu ghjovi matina tutti i punti pusitivi di ‘ssu prugramma.

François Bianchini, Rispunsivuli marcatu di EDF pà a Corsica, vultaia iddu à nantu à fini di u pianu naziunali è i spicificità di u dispusitivu lucali.