
U scopu di Corsica.news hè di prupona à a Corsica un arnesi mudernu, bislingui è putenti, capaci di risponda à l’imbuschi di dumani, appughjendu si à nantu à l’usu di tutti i reti suciali, ch’idda sighi Facebook, Twitter ò Snapchat.
‘Ssu media participativu pudarà arrimbà si à nantu à l’insemi di a pupulazioni isulana pà essa sempri u più vicinu pussibuli di l’infurmazioni.
Aduniscia identità è modernità, hè quissa a noscia vodda, pà produci un serviziu d’infurmazioni di qualità, in un mondu chì cambia ogni ghjornu.

GLOBAL MEDIA
Usà di tutti i furmati
Articuli, filmetti, legami internet, publicazioni à nanti i reti suciali ecc. U nosciu arnesi numericu transmedia s’arrimba à nantu à tutt’i cuntinuti pussibuli.
Fà participà à tutt'a sucetà
Tutt’ognunu pò pruponi articuli, idei, ò mandà ci infò, di manera simplici ed’ancu à la piatta. Sarani verificati da a noscia ridazzioni nanzi d’essa publicati.
Trattà di tutti i sughjetti
Sucetà, pulitica, ecunumia, cultura, articuli people, macagnosi ed’ancu scherzosi, ùn ci hè nisciunu cunfinu, fora di u rispettu di a verità è a deontologia.
Vuleti prupona un articulu ?
un idea, ò dà ci infurmazioni ...
Essa u più vicinu pussibuli
Pà fà quissa, avemu da cuntattà à tutt’i municipalità, l’intercò è l’istittuzioni di Corsica. Spiremi ch’iddi piddarani tutt’a misura di l’arnesi chì vulemi metta in anda quì, è ch’iddi publicarani i so nutizii à nantu à corsica.news.
Listess’affari pà u mondu associativu, pà i sindicati, ecc.
Hè monda faciuli di publicà quì, ùn ci hè più scusa !
L'imparera di u Corsu
Vulemi publicà u più pussibuli di cuntinuti corsofoni, ma a noscia andatura hè ancu di più ambiziosa. Hè u CANOPE di Corsica (anzianu CRDP) u primu pruduttori di surghjenti pedagogichi in lingua corsa. À un mumentu dundi hè minacciatu oghji l’insemi di a reta CANOPE, Corsica.news voli mubilizà si à fiancu à i prufissori.
A noscia vodda hè di prupona un arnesi chì pirmittaria à tutti l’insignanti di sparghja i so cuntinuti pedagogichi, filmetti, soni, ecc. Quissi pudariani cusì essa spartuti à i sculari è à d’altri prufissori, cumplittati, ecc. À tempi d’oghji, st’andatura si voli participativa.
Ci suvitani à nantu à i reti
Si sò scritti à nantu à u situ
Ciò chì spiremi invistiscia
articuli in linia
Ultimi articuli
Eccu quì l'ultimi publicazioni di u nosciu situ
Elementor #13159
Seti intaressati ?
Vi piaci u nosciu prughjettu ?
Vuleti participà, ò aveti un idea pà migliurà lu ?
L'Autori
PG. POGGIOLI
administrator
Ghjurnalista bislingui, furmatu in RCFM è à l’ESJ PRO.
Cofounder di Corsica.news è Allindì SVOD.