L’hymne de la Pologne – Napoléon
Storia noscia vi pruponarà ogni settimana un articulu à nantu à Corsica.news. U scopu : fà crescia a visibilità di i cuntinuti pedagogichi è corsofoni on-line.
Dans le monde entier, il n’y a qu’un seul hymne national qui parle de Napoléon ! Et cet hymne, c’est celui de la Pologne !
Parchì l’innu di a Pologna parla di Napuliò ?
« I leghjoni pulunesi sò stati criati da Napuliò in Italia dopu à a terza spartera di a Pologna di 1795. À stu mumentu u Statu Pulunesi ùn asisti più. I tarri sò pighjati da i so trè vicini : l’Austria, a Prussia, è a Russia.
I lighjunari pulunesi, cù u ghjinirali Jan Henryk Dabrowski, s’erani missi à u sirviziu di a Francia sperendu cumbatta i so nemichi cumuni pà a libarazioni di a Pologna. Ci sarani più di 100 000 suldati pulunesi à cumbatta in l’Armatonu.
Hè cusì chì a Mazurka di Dabrowski hè scritta da Jozef Wibicki di 1797. Dentru si canta : “Bonaparte ci hà datu l’asempiu, cumu duvimu vincia.”
Una vittoria di Napuliò contru à a Russia di Lughju 1807 faci chì nasci u Ducatu di Varsuvia. Un Ducatu hè un tarritoriu, una signuria, gistita di un Ducu. L’ùnicu marisciallu stranieru di Napuliò era un pulunesi, u principi Jozef Poniatowski. Ma stu Ducatu si ni mori di 1815 cù a caduta di Napuliò.
U Riamu di Pologna, sottu à u Puteru di a Russia, prova à pruibiscia a Mazurka di Dabrowski ma u cantu stà pupulari assai.
Dopu à u ricuperu di a suprinità di a Pologna l’11 di nuvembri 1918, cù a fini di a prima guera mundiali, a Mazurka di Dabrowski diventa l’innu naziunali di a Republica di Pologna di 1927. »
L'Autori
