Covid-19 è varianti Delta: a Balagna culpita
Hè u rimori chì corri in Balagna dipoi parechji ghjorni. Dopu à ciarti sirati di ‘ssu principiu d’istatina, una cinquantina di parsoni avariani chjappu ‘ssu varianti novu di a Covid-19. Da u parè di u Statu, pudaria essa monda più larga a cuntaminazioni. Tandu, ‘ssu « Cluster » balaninu, saria podassi u primu di ‘ssa quarta onda di cuntaminazioni, annunziata è aspittata da i prufessiunali sanitarii è da l’ARS di Corsica.
Causi di sta crescita di i cuntaminazioni, ci n’hè parechji, ma ci sò di sicura dui fattori impurtanti : a sminuzioni di a vigilenzia è a prisenza turistica massiva. Solu 43,6% di a populazioni isulana hà ricevutu i so dui dosi di vaccinu, un sciffru chì hè sempri alluntanatu da l’immunità cullittiva aspittata…
Mentri ‘ss’ultimi 72 ori, l’ARS hà identificatu 101 cuntaminazioni novi in Corsica Suprana, è cresci ‘ssa pusitività da 1,7% : un sciffru alarmanti, è chì pudaria cresci torna, da u parè di u duttori François Agostini.
Intervista di François Agostini,
Prisidenti di a Federazioni di i prufissiunali di a Saluta di Corsica.
L'Autori
