Citadella d’Aiacciu – Apartura !
12/07/2021 0![](https://www.corsica.news/wp-content/uploads/2021/07/AAE424D5-83B6-45DC-8ECB-45E42C5FEEEE-1024x496.jpeg)
Dumenica u 4 di lugliu, a citadella d’Aiacciu hà festighjatu a so apertura à u publicu incù una sirata inaugurale. « Hè viva ! » In cinqui seculi, era a prima volta chì st’edifiziu, fattu per stà chjosu, hà apertu. Vultemi à nantu à st’evenimentu.
-
Eccu quì u nosciu picculu filmettu, rializatu in dronu incù @Spassighjata20
Sò dui anni chì a citadella hè stata ripigliata da a merria d’Aiacciu. Dapoi u 4 di lugliu, hè aperta à tutti l’Aiaccini. Prestu, serà una parte entera di u cità vechja. Ancu s’eddi ci sò parechji prughjetti pruposti è in studiu, l’avvene di a citadella hè sempre incertu. Un museu, alloghji, un spaziu per l’artisgiani ? A SPL Ametarra, i so cullaburatori è a cità d’Aiacciu, fin’ad avà, ùn sanu micca cume s’hà da prisentà a citadella… Un fattu sicuru : l’arte serà assai assai prisente. Hè dighjà prisente in a citadella :
- I Ritratti di Céline Clanet sò appiccati nant’à i muri di l’ediffizzi. Certe volte, sti ritratti sò piattati è facenu parte di l’architettura. Un veru travaddu di detettivu v’aspetta !
- U collettivu Parenthèse prisentu st’estate, cum’è una « prise d’assaut », per fà un opara participativa. Puderete truvà li nant’à un mercatu, a matina, incù u so attellu purtativu discurrendu incù l’Aiaccini di u prughjettu di a citadella. Puderete ancu lacà ci a vostra stampa !
![](https://www.corsica.news/wp-content/uploads/2021/07/IMG_1313-1024x683.jpg)
- Un’opara maiò di l’artistu Baptiste César, « l’agave parabolique », hè prisenta nant’à u bastione San’Ghjacumu. Massiva, è assai culorita, a pudeti vede da fora. Dà di più sensibilità, mudernisimu et allegria à a nostra vechja citadella !
![](https://www.corsica.news/wp-content/uploads/2021/07/D79990FA-1049-479E-B366-FFCB5E27AF28-scaled-e1626040485895-937x1024.jpeg)
Sogni di strati, una sirata assai culurita. L’arte avia una vera piazza in sta sirata : emu pussutu vede un cavalieru, sunendu à a batteria a canzone Iron Man di Black Sabbath. Un spittaculu assai stunante è imprubabili in un locu cusì anzianu, fattu da Nicolas Fenouillat !
Eppò, un mumentu d’emuzione incù Jérémy Alberti è Charlotte de Casanova chi facianu inseme una lettura di i scritti di René Char è di stratti di biugrafia di Fred Scamaroni. Tuttu quessu cù un effettu attempu rumanticu è freddu di u ghjocu di lumi turchini.
![](https://www.corsica.news/wp-content/uploads/2021/07/487818AC-48DB-4A39-9BEC-C211AF591E2B-200x300.jpeg)
Dopu, ci spiazzemu è un ballu di Kevin Naran è CreaCorsica ci aspetta. Pudemu rimarcà una pussibule leia trà u ballu, l’architettura è a pusizione di a citadella, vicinu à u Mari Tarraniu. Stu ballu ci dà l’impressione di spiazzà i muri di sta citadella è di navigà à nant’à u mare.
In fin’di sirata, dopu u ballu, a musica è a videò piglianu un impurtanza maiori. Un spettaculu di « videomapping » da Ange Leccia nant’à un edifiziu incù a musica « d’altronde » di Elori Saxl, in diretta. Torna quì un mumentu incù assai emuzione. Un’artista, chì pare sola sola in u so mondu, in un’opara musicala ch’ella hà interpretata seguitendu e so emuzione.
![](https://www.corsica.news/wp-content/uploads/2021/07/C56B4923-9C57-42D1-914E-EBC0B492169C-1024x683.jpeg)
Dapoi u 22 du ghjunghju sin’à u 30 di sittembre, pudemu vede un altru spettaculu di videomapping tutte e sere à partesi da 9 ore è mezu. « Les mémoires d’Ajaccio » mostranu trè viaghji maiori di Napuliò Bonaparte, per l’anniversariu di i dui centi anni di a so morte. St’animazione, muderne et numeriche anu per scopu di d’allargà u publicu intaressatu è permettenu di più à l’Aiaccini di fà soia a citadella Miollis.
L’avvene di ‘ssu locu hè sempre in studiu mà ci saranu duie intrate per chì st’edifiziu sia accessibile per i pedoni è i veiculi : un ponticellu per i pedoni serà custruitu partendu da a piazza à u centru di a citadella versu u Carrughju dirittu (Rue Bonaparte). Un tunellu serà anch’ellu custruitu per i veiculi utilitarii cum’è l’ambulanze, ecc… A citadella, ella starà pedona.
Sti dui prughjetti anu per scopu di fà entre a citadella in u spaziu di u San’Carlu. Ramintemu chì a cità d’Aiacciu s’hè custruita à partesi di u 1492 in giru à a citadella. Stu munumentu hè assai impurtante : riprisenta 1/3 di a cità vechja !
Ancu s’elli sò ammirativi, si quistionanu parechji Aiaccini à nant’à l’avvene di a citadella. Alloghji seranu creati ? Cumu ? Quantu custaranu ? vistu u prezzu smisuratu di un alloghju in u vechju Aiacciu ? Qual’hè chì pudarà cumprà ?
Battì Mariani, Lelia Luciani