Hà da essa salvatu u Cunventu di Morosaglia

Monumenti storicu, ci hà campatu ancu Paoli in u 1790 à u so ritornu d’esiliu. 60 anni ch’idd’era abandunnatu u Cunventu San’Francè. In u 2003 hè cumpratu da a merria, ma costa troppu cara a rinnovazioni: ci n’hè pà 2,4 millioni… Qualchì annu dopu, s’hè criatu un associu in paesi da salvà ‘ssu patrimoniu straurdinariu. 

A Cullettività di Corsica è u Cumitatu Muntagna ani avà assicuratu ch’iddi piddarani in carica 80 % di u financiamentu. Pà i 20 % ch’iddi mancani, sarà a merria è l’associu, chì hà lanciatu dinò un crowdfounding: 15.000 € sò dighjà stati buscati.