SUPER ADVENTURE CLUB 1mu album di i Casablanca Drivers
Hà da escia u 20 di Nuvembri Super Adventure Club. Mischiendu Pop psIchelica è Rock in issi tempi stranii, à Corsica.news ci hà cacciatu l’affannu st’album, Focus.
Dopu a surtita di dui primi canzoni à nantu à i piattaformi di musica (At Carmelo’s, eppò Get Better di maghju scorsu), hè Obayaya, un tittulu sciutu u 4 di sittembri, chì annuncia di modu ufficiali a surtita di l’album Super Adventure Club. Una tappa nova francata da u gruppu, è n’hè monda fieru Alexandre Diani, cantadori è chitarristu, l’ascultemi.
SUPER ADVENTURE CLUB 20/11/20 🔥 DISPONIBLE EN PRÉ-COMMANDE 🔥 https://distrokid.com/hyperfollow/casablancadrivers/super-adventure-club
Publiée par Casablanca Drivers sur Mercredi 21 octobre 2020
- Obayaya
Pari essa una musica californiana, chì ci appacia è ci ramenta a statina, incù nostalgia. U clip, monda impurtanti pà u gruppu, hè statu rializatu da Savage Henry, chitarristu di u gruppu OMAR JR, di chì faci parti Nicolas Paoletti. Moscia dui amichi – Alexandre Diani è Nicolas Paoletti – in una casa maiò incù una piscina. Si tratta d’un patronu chì invita i so clienti à baddà fin’à a morti (ni tistimunighja u scarpaddanu in u filmettu), in un mondu malcertu, chì ci faci fà un paragonu incù ‘ssi tempi oghjinchi (ci hè ancu una mascara à u principiu di a videò !).
- U parcorsu di i Casablanca Drivers
In u 2012, una piccula banda d’amichi, pà a maio parti aiaccini è appassiunati di musica, dicidini di crià un gruppu. Ani una scelta maiò da fà : chì nomi dà à st’entità ch’avia da nascia? Quattru anni fà, ‘ssa scelta, un anzianu membru di u boys’band ci l’avia spiigata cusì.
‘Ssu nomi « Casablanca Drivers » esci dunqua di u filmu eponimu di Maurice Barthélémy, sciutu in u 2004, è chì si veda in u clip La ola. Da i canti corsi à u rock passendu da a pop, mischia u gruppu parechji razzi di musica. In u 2014, Ziffraiani un primu EP, 2002PIZZA, suvitatu da Donde Estoy in u 2016 è Menu Best Of in u 2018.
Diventani subitu subitu veri carti di visita ‘ssi EP’s, è li aprani parechji porti pà aventuri novi, ed’ancu un podium internaziunali. Girani monda i Casablanca Drivers, in Corsica ma dinò in Cuntinenti, in Ingliterra, in America Suttana ed’ancu in i Stati Uniti. In New York à a fini di u 2018, appruntani a cumposizioni di Super Adventure Club, è travaddani – frà altri – incù James Ireland. Faci oghji u buzz Obayaya, incù dighjà 63.000 visti à nantu à Youtube, è ribomba ‘ssu successu maiò in a stampa spicializata (Rolling Stones, Songazine, Vacarm, indiemusic, Buzzdefou, ecc.)
L'Autori
