Covid-19 & chjusuri amministrativi : Le 10 contre-attaque
Dipò u scunfinamentu, in Corsica Suttana, sò stati sarrati da a Prifittura 18 stabilisciamenti, pà una settimana, dui, ò un mesi sanu. In causa: i misuri missi in anda pà impidiscia u sviluppu di u Covid-19, ch’ùn sariani stati rispettati. S’idda « à si pidda, à si tena » a maiò parti di i cummerci tocchi, i patroni di « u 10 », in Aiacciu, volini iddi fà una riclamazioni.
- Da leghja dinò : Covid-19 & chjusuri amministrativi : un puntu incù a Prifittura
Era urganizata ‘ssu luni (u 21 di sittembri) una cunfarenza di stampa davanti à u « 10 ». In più di i patroni, erani prisenti l’avucatu è una trentina di parsoni.
Ciò ch’idd’hè rimpruvaratu à u cummerciu :
- Una apartura tardiva cunstatata à 00:25, 25 minuti dopu à ciò ch’idd’hè auturizatu pà i bar.
- Attempu, a prisenza d’una dicina di parsoni à u banconu.
L’affari sariani in francesi pà i 4 patroni (Dominique Paoli, Arnaud Giacomoni, René Bonini et Antoine Triay) è u so avucatu (Me Antoine Vinier Orsetti). Tandu, ùn cuntestani quasgi micca u prucessu verbali rializatu ‘ssu Luni (u 14/09/2020). Eccu ciò ch’hè scrittu :
« Les forces de la Sécurité intérieure ont constaté […] à 00h25 que trois personnes étaient assises en terrasse […], consommant de l’alcool, et une dizaine de personnes se trouvaient à l’intérieur […] au niveau du bar, consommant elles aussi de l’alcool. »
In quant’à i patroni, erani trè in terrazza à mezanotti passata. Drenti ci era 5 clienti, chì cumpiaiani i sò bichjeri, è chì aviani manghjatu, micca à u banconu ma à tola, ghjustu accantu.
- Una cunfusioni trà ristoranti è bar ?
Hè ristoranti l’attività principali di u cummerciu. À l’epica, pudiani sarrà à 2ori di mani i ristoranti, tandi chì i bar, iddi sarraiani à mezanotti.
Quand’iddi si piddani ‘ssa chjusura amministrativa di 15 ghjorni, pensani chì ci hè statu un sbagliu i 4 associ. Pà appacià l’affari, si ni codda à veda à a Pulizza Arnaud Giacomoni, incù u so K-bis, u prucessu verbali, una nota rializata à 00.08, è u Z di a so cascia, pà muscià bè chì nimu ùn avia bitu dopu à mezanotti.
- Interview di Arnaud Giacomoni, unu di i 4 patroni di u 10 Rue des Halles
- Interview de Guillaume Lericolais, Directeur de Cabinet du Préfet de Corse
Pà Me Antoine Vinier Orsetti, parini foli. Cunsidarighja l’avocatu di u 10 Rue des Halles chì ‘ssa sarratura hè « abusive et totalement arbitraire, dans la mesure où les faits qui ont valu cette fermeture administrative de 15 jours ne sont constitutifs d’aucune infraction à la réglementation en vigueur. » Per avà, hà mandatu un « recours gracieux » à a Prifittura di Corsica Suttana. S’idd’hè ricusatu, mandarà da quì à dui mesi un « recours contentieux » stà volta à u Tribunali amministrativu di Bastia. À ci dici franca è chjara Me Vinier Orsetti : spera bè uttena una cumpensazioni finanziaria pà i sò clienti.
- Interview di Antoine Vinier Orsetti, avucatu di u 10 Rue des Halles
Vidaremi ciò chì s’hà da passà avà …
Ci voli à sapè chì, criatu solu un annu fà da quattru ghjovani aiaccini, prupona una scena aparta u 10 Rue des Halles. Hè statu subitu subitu cunnisciutu eppò dopu ricunnisciutu da u mondu culturali isulanu, ed’hè divintatu prestu prestu un locu d’accolta pà l’artisti aiaccini, corsi ed’ancu stranieri, è sò monda numarosi à difenda lu è à mubilizà si. Ni tistimunighja ‘ssa publicazioni, monda diffusata à nantu à i reti suciali.
HONTE ! Nous vous informons que le 10 rue des Halles sera fermé jusqu'au 1er octobre à cause d'un abus de pouvoir de la…
Publiée par Arnaud Giacomoni sur Vendredi 18 septembre 2020
Podassi dinò chì ci n’hè una techja di ‘ssa crisa sanitaria ch’idd’ùn compia più, è di ‘ssi controli di pulizza sempri di più prisenti in carrughju… È chjusuri amministrativi, ci n’hà da essa d’altri …
- Da leghja dinò : Covid-19 & chjusuri amministrativi : un puntu incù a Prifittura
L'Autori
