Kanaky : Louis Mapou, u 1mu Prisidenti indipendentistu

Hè statu elettu l’8 di luddu di u 2021 Louis Mapou primu Prisidenti indipendentistu di Kanaky. Hè dinò a prima volta, dipò l’Accordu di Nouméa, ch’un indipendentistu diventa Capu di u Guvernu collighjali.

Divintati maghjuritarii dipò u 17 di frivaghju di u 2021, ùn s’erani accunciati sin’ad oghji i muvimenti indipendentisti kanaki diversi, ciò ch’avia paralizatu l’istituzioni pulitichi di u paesi : i dui muvimenti – l’UNI-FLNKS (Union nationale pour l’indépendance) di Louis Mapou, è l’UC-FLNKS (Union calédonienne) di Samuel Hnepeune – aviani tremindù uttinutu 3 ministri à nantu à l’11 chì cumponani u Guvernu collighjali di Nouvelle-Calédonie. Dopu à 5 mesi di scambii è negoziazioni trà i dui partiti, un accunsentu hè statu trovu in Nouméa.

  • Eccu quì sottu un picculu riportu rializatu da Franceinfo ( 1min 47 )

In u 1988, quand’idd’hè ghjunta in Kanakia a « mission du dialogue », ùn avia 30 anni Mapou. Portavoci di u FLNKS, avia tandu dichjaratu : « Le FLNKS affirme qu’aucun dialogue, aucune négociation ne pourront se faire tant qu’un état de guerre imposé par les forces armées demeure en Kanaky ».

Un terzu referendum decisivu ?

Si vutarà u 12 di dicembri di u 2021. Qualsiasi u risultatu, bisognu ci sarà d’un statutu novu pà a Kanakia. U 26 di maghju scorsu, si sò aduniti in Parigi i rispunsevuli di i furmazioni pulitichi lealisti è indipendentisti, da cuntrastà à nantu à l’avvena stituziunali di a Nouvelle Calédonie.

U 2 di ghjugnu, dopu à una settimana di scambii, u Ministru di l’Outre-mer, Sébastien Lecornu, hà annunciatu a data di u terzu referendum privistu da l’Accordu di Nouméa, pricisendu chì ‘ssa scelta ùn faccia intantu micca consensus. Avia spiigatu dinò chì, dopu à ‘ssa cunsultazioni, ci sarà una « période de convergence, de discussions et de stabilité », fin’à u 30 di ghjugnu di u 2023 :

  • S’iddi vincini l’indipendentisti : « il faudra prendre le temps jusqu’en 2023 pour clarifier le lien entre la République française et le nouvel État indépendant », ci sarà tandu « une 1ère consultation référendaire pour que le nouvel État puisse arrêter sa constitution. »   
  • S’iddu vinci u « nò », l’accunsentu di Nouméa scadutu, « il faudra alors dessiner une autre voie pour les institutions de Nouvelle-Calédonie. »

In ogni casu, ci sarà dunqua un’antra cunsultazioni referendaria, chì sarà difatti a prima d’un periodu novu post Nouméa.

Zifratu u 5 di maghju di u 1998, l’Accordu di Nouméa prividia l’urganisazioni d’un referendum d’autodeterminazioni nanzi à u 2018, incù a pussibilità di trè voti s’iddu vincia u « nò ». Pà i dui primi cunsultazioni, ani vinti i lealisti, ma sminuisci u raportu. In u 2020, u « nò » hè passatu da 56,7% à 53,3%, u percentuali à prò di l’indipendenza criscendu da 43,3% à 46,7%.

Ci voli à sapè chì u nosciu partinariu, ALLINDI SVOD, pruponi à nantu à a so piattaforma un documentariu in dui parti fattu da André Waksman, chjamatu Merci la France. Paragunighja u rializatori l’impattu di i pulitichi francesi à nantu à dui tarritorii à identità forti : a Kanakia … è a Corsica ! Era Dumè Gallet u filu di ‘ss’ opara. Mortu in u 2013, l’anzianu membru di Canta u Populu Corsu fù unu di i primi indipendentisti à essa elettu à l’Assemblea di Corsica, in u 1984.

Laisser un commentaire

Corsica.news

GRATUIT
VOIR