Elezzioni Tarrituriali – 2du Giru in LIVE
Suviteti quì in direttu i risultati e i riazzioni à misura ch’iddi cascani …
22ori30 :
Si compia avà ‘ssa sirata eletturali. Vultaremi ‘ssa settimana à nantu à i risultati. Pà uttena i sciffri specifichi di a voscia cità o u vosciu paesi, pichjeti à nantu à u legami quì sottu. Una bona sera à tutti !
9 ori 44 – l’Eletti à l’Assemblea
Nanzi à u 3rzu giru à sapemi dighjà chì :
- Gilles Simeoni avarà 32 eletti
- Laurent Marcangeli : 17 eletti
- Jean-Christophe Angelini : 8 eletti
- Paul-Felix Benedetti : 6 eletti
Bisognu avà ad aspittà u 3rzu Giru, da sapè a cumpusizioni di u Cunsigliu Esecutivu.
Ci voli à matriculà chì, pà ogni Cunsiglieru esecutivu elettu (ci n’hè 11), ci sarà un elettu in più à nantu à a lista à cuddà à l’Assemblea. Gilles Simeoni pudaria podassi prupona qualchì piazza à l’altri listi, o fà solu u so Cunsigliu esecutivu. Hà da fà a so scelta u Capu di Fà populu inseme da quì à ghjovi prossimu.
9ori23: i risultati definitivi
Gilles Simeoni : 40.64 %
Laurent Marcangeli : 32.02 %
Jean-Christophe Angelini : 15.07 %
Paul-Felix Benedetti : 12.26 %
Participazioni : 58.91 %
9 ori – Un puntu à nantu à l’eletti à l’Assemblea:
Nanzi à l’elezzioni di u Cunsigliu esecutivu, eccu a ripartizioni di i 63 sedi à l’Assemblea :
- Gilles Simeoni uttenarà stà sera trà 31 e 32 eletti.
- Laurent Marcangeli : 16 o 17 eletti.
- Jean-Christophe Angelini : trà 7 e 8 eletti.
- Paul-Félix Benedetti : 6 o 7 eletti.
Pà ciò chì tocca à Corsica Libera, Josepha Giacometti sarà eletta à nantu à a lista purtata da Jean-Christophe Angelini. Petru Antone Tomasi e Laura Maria Poli-Andreani ùn vultariani à l’Assemblea pà ‘ssa mandatura.
Bisognu quantunqua ad aspittà i resultati definitivi ed ancu u 3rzu Giru, da sapè a cumposizioni di u Cunsigliu Esecutivu.
Ci voli à matriculà chì, pà ogni Cunsiglieru esecutivu elettu, ci sarà un elettu in più à nantu à a lista à cuddà à l’Assemblea. Gilles Simeoni pudaria podassi prupona qualchì piazza à l’altri listi. Hà da fà a so scelta u Capu di Fà populu inseme da quì à ghjovi prossimu.
8 ori :
Cascani avà i primi risultati ufficiali incù 84% di i voti spugliati.
- Gilles Simeoni 40.53 %
- Laurent Marcangeli 31.97 %
- Jean-Christophe Angelini 14.91 %
- Paul-Félix Benedetti 12.59 %
Attinzioni, ci vularà ad aspittà i risultati definitivi.
Incù 40 % e a prima di 11 eletti, piddaria a suprana solu Gilles Simeoni, incù 32 sedi à nantu à i 63 di l’emiciclu. Avaria a maghjurità à l’Assemblea e pudaria fà solu u so Cunsigliu esecutivu.
7 ori :
5 ori :
#Elezzioni #Participazioni 48.59 % in Corsica Suttana 48.62 % in Corsica Suprana Cresci ‘ssa participazioni di 4 % par raportu à u 2017 è par raportu à u primu giru pic.twitter.com/3ROH1Exwe5
— Corsica News (@NewsCorsica) June 27, 2021
Meziornu :
#elezzioni: in a Corsica sana, ni semi à 25% di participazioni. Pà cìò ch’idd’hè di a Corsica Suttana, cresci ‘ssa participazioni di più di 9 % par raportu à u 2017 (e di quasgi 5 % par raportu à u 1mu giru) pic.twitter.com/4slE36NXtj
— Corsica News (@NewsCorsica) June 27, 2021
L'Autori
