Staghjoni ci hà da essa ?​

Dopu à ‘ssi vacanzi d’aprili gattivi à u liveddu turisticu, ani missi in anda mezi di più da appruntà a staghjoni i Camari di Cumerci, a CDC e l’Agenzia di u Turismu, ma bastarani ? 

Ci sarani ‘ssa statina cumpagnii low cost chì prupunarani 240.000 sedi à nantu à i quattru aeroporti isulani. Sarani pà a maiò parti viaghji Cuntinenti – Corsica, da fà vena di più turisti incù prezi atrattivi.

N’aspettani monda i Prufissiunali di u Turismu di ‘ssa statina, dopu à ‘ssi dui anni di Covid.  Ciarti so pessimi, ma d’altri fermani cunvinti chì u mondu ci sarà, ancu s’iddi sò stati ubligati da sarà d’aprili…