Alpine Elf Europa Cup : J.-B. Mela campioni Junior
Una settimana fà (l’11 d’ottobri), hà vintu Jean-Baptiste Mela u tittulu Junior à u Castellet, in a categoria Alpine Elf Europa Cup, incù 56 punti di più cà u sicondu. Hè oghji in prima pusizioni di a cumpetizioni u Purtivichjacciu, è mira avà a prima piazza di a campiunatu generali.
- Interview
Si pò sempri senta ribombà a voci di Jean Baptiste Mela à nantu à u corsu Paul Ricard. U ghjuvanottu hà fattu « un week-end « presque parfait » ed’hè dopu à a terza corsa ch’idda hà vintu u tittulu Junior.
Fistighjendu i so 22 anni a stessa duminicatu, s’hè fattu quì un beddu rigalu u Purtivichjacciu…
- U filmu di a corsa è JB. Mela incù a bandera à nantu à u podium
- Quaghjò, i risultati di ogni corsa
- Ci vol’à nutificà ch’iddu l’avia dighjà vintu ‘ssu tittulu Junior JB Mela, in u 2018, è l’avia mancatu d’un puntu in u 2019, ghjustu darettu à Mateo Herrero.
Li parmetta ‘ssu tittulu Junior di participà à una prova libara in LMP2, una brama chì ci avia spiigata in a noscia intervista scorsa.
- Da leghja dinò : Alpine Elf Europa Cup : J.-B. Mela in prima pusizioni !
Pà l’ultima duminicata di a cumpetizioni, i 31 d’ottobri è u 1mu di nuvembri, J.B. Mela hà bisognu di 9 punti à nantu à i dui corsi da cunfirmà a so 1ma piazza di a cumpetizioni, ed’essa cusì cunsacratu campioni… Sò pochi 9 punti, tucchemi u legnu pà iddu.
- Quassù, u sistema di cuntabilisazioni di i punti pà ogni corsa
L'Autori
